Samningur þessi er á 4 A4 bls.

Samning þennan hefur samið:

Jóhannes Bjarni Björnsson. hdl.

SAMNINGUR

Íslensk Orkuvirkjun ehf., kt. 620101-2220, Ármúla 5, 108 Reykjavík, í samningi þessum nefnd ÍOV, og

Seyðisfjarðarkaupstaður, kt. 560269-4559, Hafnargötu 44, Seyðisfirði, í samningi þessum nefndur S gera með sér eftirfarandi, samning um rétt ÍOV til að rannsaka hagkvæmni og virkja

Fjarðará í Seyðisfirði

með þeim skilyrðum og skilmálum sem fram koma í samningi þessum:

1. grein. Tilgreining landsvæðis

1.1. S er réttur og lögmætur eigandi að ánni Fjarðará í Seyðisfirði, ásamt öllum þeim vatnsréttindum sem ánni fylgja að engu undanskyldu. Þá er S réttur og lögmætur eigandi að því landi sem áin rennur um, aðveitusvæði hennar og Heiðarvatni á Fjarðarheiði.

1.2. Fjarðará í Seyðisfirði rennur úr Heiðarvatni á Fjarðarheiði og fellur þaðan niður í botn Seyðisfjarðar. Kort af ánni fylgir með samningi þessum, merkt sem fylgiskjal nr. 1.

2. grein. Markmið

2.1. Það er sameiginlegt markmið aðila að kanna möguleika þess að virkja Fjarðará á hagkvæman og umhverfisvænan hátt. Miðast mat á hagkvæmni við það að reist verði raforkuver þannig að náttúra og umhverfi árinnar verði fyrir sem minnstri röskun, sem og áin sjálf og þeir fossar sem í henni eru.

2.2. Það er sameiginlegt markmið aðila og ásetningur að áform um frekari virkjun árinnar raski ekki rekstri Fjarðarselsvirkjunar sem Rarik rekur í dag. Skulu áform og vinna við frekari virkjun árinnar taka mið af því að Fjarðarselsvirkjun verði rekin áfram og skal tekið fullt titlit til þess við undirbúning og framkvæmdir, og gæta þess að rennsli til virkjunarinnar verði ekki skert að nauðsynjalausu.

3. grein. Rannsóknarleyfi

3.1. S veitir ÍOV með undirritun þessa samnings leyfi til að rannsaka möguleika og hagkvænmi þess að virkja Fjarðará. Rannsókn ÍOV miðast að því að meta hagkvænmi þess að reisa raforkuver við ánna.

3.2. Í rannsóknarleyfi þessu felst heimild og réttur til handa ÍOV, starfsmönnum, félagsins,  verktökum á vegum þess og annarra aðila á þeirra vegum, til þess að fara um land S og koma fyrir búnaði til að mæla rennsli árinnar og gera aðrar þær athuganir og rannsóknir sem

Bls 2 af 4

nauðsynlegar eru til að meta hagkvæmni þess að virkja ánna. Þá er ÍOV heimilt að koma upp aðstöðu til rannsóknar við ána í samráði við S.

3.3. ÍOV skal við rannsóknir sínar ganga vel um landið og ekki valda spjöllum á því. Verði spjöll á landi skal ÍOV lagfæra þau á eigin kostnað.

3.4. S skal óheimilt að veita öðrum leyfi til að rannsaka hagkvæmni þess að virkja ánna meðan samningur þessi er í gildi eða hefja undirbúning að slíkri rannsókn. Þá skuldbindur S sig til þess að hefja ekki rannsókn á eigin vegum til þess að rannsaka hagkvæmni þess að virkja ánna meðan samningur þessi er í gildi.

4. grein. Rannsóknarvinna

4.1. ÍOV mun leitast við að hraða vinnu við rannsókn á hagkvæmi þess að virkja ána, en gert er ráð fyrir að rannsóknarvinnan taki 12–18 mánuði komi engar tafir til.

4.2. ÍOV skal bera allan kostnað af rannsóknarvinnunni.

4.3. ÍOV og S skulu vinna saman tillögur að skipulagi fyrir mögulega virkjunarkosti, s.s. varðandi staðsetningu raforkuvers, vega, aðrennslisveitu og fleira. S mun leitast við að hraða allri nauðsynlegri vinnu við breytingu eða gerð nýs skipulags fyrir svæðið reynist þess þörf vegna fyrirhugaðrar virkjunar. Komi til framkvæmda skulu þær háðar samþykki skipulagsyfirvalda, umhverfisnefndar Seyðisfjarðar og bæjarstjórnar og annarra þeirra sem lög og reglur kveða á um.

4.4. Rannsóknarvinnan, niðurstöður, gögn og upplýsingar sem ÍOV aflar með rannsóknum sínum eru eign félagsins.

4.5. Á meðan samningur þessi er í gildi skuldbindur S sig til að heimila engar framkvæmdir i eða við ánna, eða vatnasvæði hennar, sem geta haft áhrif á rennsli hennar eða heimila aðrar framkvæmdir sem geta takmarkað eða þrengt að möguleikum til þess að virkja ánna.

5. grein. Heimild til virkjunar – einkaréttur

5.1. Er niðurstöður rannsókna ÍOV, um möguleika og hagkvæmni þess að virkja ánna, liggja fyrir skulu þær kynntar S. Telji ÍOV virkjun árinnar hagkvæma skal ÍOV heimilt að reisa raforkuver við ána og virkja í samræmi við þær áætlanir sem fram koma í arðsemismati.

 5.2. Um virkjun árinnar skal ÍOV stofna sérstak félag sem skal hafa lögheimili á Seyðisfirði, skal félagið heita "Íslensk Orkuvirkjun-Seyðisfirði".

5.3. Skal ÍOV eiga einkarétt til þess að virkja ána og nýta í því skyni aðveitusvæði hennar og Heiðarvatn á Fjarðarheiði

5.4. Er IOV hefur kynnt S endanlega niðurstöðu rannsókna félagsins skal ÍOV tilkynna S innan 6 mánaða hvort félagið vilji nýta einkarétt sinn til að virkja ánna. Vilji ÍOV ekki nýta einkarétt sinn til að virkja ánna fellur hann niður. Í því tilviki skal S, í þrjá mánuði frá móttöku tilkynningar frá ÍOV, eiga kauprétt á öllum gögnum og rannsóknum ÍOV er varða undirbúning og rekstur virkjunarinnar, að engu undanskyldu, á verði sem tekur mið af kostnaði ÍOV við öflun og gerð þeirra, þ.m.t. vinnu starfsmanna ÍOV. Nái aðilar ekki samkomulagi um sanngjarnt verð fyrir rannsóknargögnin skal það ákvæðið með mati tveggja dómkvaddra matsmanna.

 Bls 3 af 4

5.5. ÍOV er kunnugt um rétt Rarik vegna virkjunar í Fjarðarsel og mun taka tillit þeirra réttinda í hvívetna.

6. grein. Landnot

6.1. Komi til þess að ÍOV vilji virkja ána skuldbindur S sig til þess að láta í té nauðsynlegt land undir raforkuver, vegi, vatns- og rafleiðslur o.fl. sem nauðsynlegt er svo reisa megi og reka raforkuver við ánna.

6.2. Verði áin virkjuð skuldbindur S sig til þess að heimila engar framkvæmdir eða önnur landnot í eða við ánna, eða vatnasvæði hennar, sem gætu mögulega haft áhrif á rennsli árinnar eða framleiðslugetu virkjunarinnar.

6.3. Um endurgjald fyrir landnot fer eftir 7. gr. samningsins.

7. grein. Greiðslur fyrir vatnsréttindi og landnot

7.1. Fyrir vatnsréttindi/virkjunarrétt árinnar og öll nauðsynlegt landnot skal ÍOV greiða 0,5–2,5% af brúttósöluverði þeirrar raforku sem framleidd verður, eftir niðurstöðu arðsemismats.

7.2. Óski S eftir því skal ÍOV greiða S fyrir virkjunarréttinn og landnot með eingreiðslu 12 mánuðum eftir að framleiðsla raforku hefst, enda nái aðilar samningi um verð. Skal þá miða við áætlaða raforkusölu fyrir 25 ár og sú fjárhæð afvöxtuð með 10% ársvöxtum.

7.3. Nái aðilar ekki samningum um greiðslur fyrir vatnsréttindi og landnot skulu ákvæði 23. gr. raforkulaga frá 15. mars 2003 gilda.

8. grein. Lok samningsins o.fl.

8.1. ÍOV getur hvenær sem er á samningstímanum hætt rannsóknum á hagkvænmi virkjunar árinnar. Hætti ÍOV rannsóknum á hagkvænmi virkjunar skal félagið tilkynna það S með sannanlegum hætti. Samningur þessi er óuppsegjanlegur af hálfu S.

8.2. Hætti ÍOV rannsóknum skal félagið fjarlægja öll tæki, áhöld og búnað í eða við ána í eigu félagsins eða eru þar á þess vegum.

8.3. Samningsaðilar geta rift samningi þessum með skriflegri tilkynningu, hafi samningurinn verið vanefndur í verulegum atriðum. Áður en til riftunar kemur skal senda með sannanlegum hætti skriflega tilkynning um meinta vanefnd og hverra úrbóta er krafist. Frestur til úrbóta skal ekki vera minni en 60 dagar. Liggi ekki fyrir niðurstaða um virkjunaráform ÍOV innan þriggja ára fellur samningur þessi úr gildi. Verði raforkuframleiðsla ekki hafin innan fimm ára fellur sanmingurinn jafnframt úr gildi nema um annað verði samið.

8.4. Fari svo að breytingar verði á fyrirkomulagi eða framkvæmd orkumála, eða á rekstrargrundvelli virkjana, breytingar verði á lögum eða stjórnvaldsfyrirmælum, eða önnur atvik sem aðilar höfðu ekki stjórn á, eða var unnt að ætlast til að tekið væri mið af við gerð samnings þessa, skulu aðilar leitast við að aðlaga samning þennan að breyttum aðstæðum. Leiði slíkar breytingar eða atburðir til þess að samningsforsendur annars hvors aðila samnings þessa raskast í grundvallaratriðum, þannig að beiting samningsins óbreytts hefði í fór með sér ósanngirni gagnvart þeim aðila, munu aðilar eiga með sér viðræður í góðri trú og leita samkomulags um breytingu á samningi þessum til mótvægis við slíka ósanngirni.

Bls 4 af 4

8.5. Samningur þessi er gerður með fyrirvara um atvik sem aðilar fá ekki við ráðið "Force Majeure" og tafið eða seinkað geta framkvæmd efni samnings þessa. Hvorugur samningsaðila skal eiga neina bótakröfu á hendur hinum vegna slíkra atvika.

9. grein. Trúnaður og þagnarskylda

9.1. Aðilar og starfsmenn aðila skulu gæta þagnarskyldu um hvaðeina er þeir verða áskynja í starfi sínu varðandi starfsemi hvors annars. Þagnarskylda helst eftir að samningssambandi aðila lýkur.

10. grein. Aðilaskipti

10.1. ÍOV er heimilt að framselja öll réttindi og skyldur félagsins skv. samningi þessum til Íslenskrar Orkuvirkjunar-Seyðisfrrði, verði það félag stofuað.

11. grein. Fyrirliggjandi gögn

11.1. Við undirritun sanmnings þessa liggja fyrir auk tilvitnaðra fylgiskjala eftirgreind gögn:

1 Kort af vatnasviði Fjarðarár.

2. Bréf Rarik um Virkjunarréttindi í Fjarðará dags. 09.09.03

12. grein. Varnarþing

12.1. Mál út af sanmingi þessum skal reka fyrir Héraðsdómi Austurlands.

Til staðfestu ofangreindu undirrita forsvarsmenn aðila sanming þennan í votta viðurvist:

Reykjavík 3. október 2003

F.h. Íslenskrar Orkuvirkjunar ehf.                                           F.h. Seyðisfjarðarkaupstaðar

Birkir Þór Guðm. Tryggvi Harðarson

                 [sign.]                                                                                 [sign.]

                                                                                                m/fyrirvara um samþykki                                                                                                        bæjarstjórnar Seyðisfjarðar

Vottar:

Ingibjörg Jónsasdóttir [sign.] 1506545569

Kristján Halldórsson [sign.]    201047-4049