Hjörleifur Guttormsson
Mırargötu 37
740 Neskaupstağur
símar 477 1665 og 897 5095
Netfang: hjorleifur@eldhorn.is

27. febrúar 2004
 

Skipulagsstofnun
Laugavegi 166
105 Reykjavík

Efni: Ákvörðun um matsskyldu ráðgerðrar flóðlýsingar á Gullfossi

Fram hefur komið nýlega, sbr. meðfylgjandi útskrift úr Morgunblaðinu 10. desember 2003, að áform séu uppi um að flóðlýsa Gullfoss í Hvítá að vetrarlagi.

Með bréfi þessu óskar undirritaður eftir því, með vísan til II. kafla laga nr. 106/2000 um mat á um hverfisáhrifum sem og 2. og 3. viðauka með nefndum lögum, að Skipulagsstofnun taki ákvörðun um hvort hér sé um matsskylda framkvæmd að ræða skv. 6. grein laganna.

Gullfoss er friðlýstur að náttúruverndarlögum og þar er starfrækt þjónustumiðstöð fyrir ferðamenn en leyfi mun hafa verið veitt fyrir henni áður en lög um mat á umhverfisáhrifum komu til. Þá njóta fossar almennt sérstakrar verndar samkvæmt 37. grein laga nr. 44/1999 um náttúruvernd.

Flóðlýsing Gullfoss felur í sér meiriháttar inngrip í umhverfi eins þekktasta náttúrufyrirbæris á Íslandi. Slík framkvæmd felur einnig í sér breytingu á þjónustumiðstöð og tengdum aðgerðum fyrir ferðamenn við fossinn, þar með taldir gangstígar. Hér er augljóslega fyrirhugað að breyta framkvæmd sem þegar hefur verið leyfð og munu breytingarnar hafa umtalsverð umhverfisáhrif. Slíkar breytingar eða viðbætur eru matsskyldar skv. viðauka 2, 13.a.
Auk þess eru tilgreindar í tölulið 12. c þjónustumiðstöðvar fyrir ferðamenn utan þéttbýlis á verndarsvæðum á láglendi, sem og í 12.d þjónustumiðstöðvar fyrir ferðamenn á hálendi. Þá ber að hafa í huga ákvæði 3. viðauka sömu laga, m. a. tölulið 2 um staðsetningu framkvæmdar á (iii) verndarsvæði, a-lið sem vísar til friðlýstra náttúruminja og svæða sem njóta sérstakrar verndar samkvæmt lögum um náttúruvernd, einnig c-lið sem vísar til sérstæðra jarðmyndana svo sem vatnsfalla og h-lið um svæði sem hafa sögulegt og menningarlegt gildi. Í tölulið 3 sama viðauka er m. a. vísað til viðmiðana um umfang umhverfisáhrifa, þ. e. þess svæðis og fjölda fólks sem ætla má að verði fyrir áhrifum og sammögnunar ólíkra umhverfisáhrifa á tilteknu svæði.

Í von um skjóta og skilmerkilega úrlausn.

Virðingarfyllst

Hjörleifur Guttormsson

Meðfylgjandi: Afrit af grein úr gagnasafni Morgunblaðsins 10. desember 2003